Auður Bjarnadóttir
jógakennari

Auður hefur stundað jóga síðan 1992. Hún bjó í Bandaríkjunum frá 1998-2000 og kynnti sér ýmsar greinar jógans nánar.1999 tók hún kennarapróf í Mount Madonna í Kaliforníu og lærði síðan meðgöngujóga í Seattle árið 2000 og síðan á Kripalu Center 2002. Auður tók kennarapróf í Kundalini jóga í New Mexico að forskrift Yogi Bhajan í sept. 2005 og hefur kennt það síðan. Auður kenndi jóga í Kramhúsinu frá árinu 2000, en opnaði LÓTUS-Jógasetur í mars 2002 ásamt Ástu Arnardóttur. Auður kennir jóga fyrir barnshafandi konur, mömmujóga og Kundalini jóga. Veturinn 2000-2001 sá Auður um Krakkajóga í Stundinni Okkar. Auður hefur dansað frá því hún man eftir sér. Frá árinu 1973 starfaði hún sem dansari og ballettkennari á Íslandi, í Þýskalandi, Sviss, Svíþjóð og í Bandaríkjunum. Hún er einnig starfandi danshöfundur og leikstjóri. Auður hefur stundað nám í 5 Rhythmadansi í Bretlandi og er í áframhaldandi kennaranámi í Kundalini jóga enda lítur hún á sig sem eilífan nemanda í jóga, dansi og þeirri miklu list að lifa lífinu skapandi.

MEÐGÖNGUJÓGA

Fjölmargar konur hafa staðfest að jóga ástundun á meðgöngunni bætir andlega og líkamlega heilsu og vellíðan. Jóga stuðlar að betri meðvitund og tengingu við líkamann, hugarástand og tilfinningar. Með rólegri athygli dýpkar innsæið og öryggi og sjálfstraust eflist. Í jóga gefur konan meðgöngunni, sjálfri sér og barninu sérstaka athygli og er hvött til að bera ábyrgð á eigin heilsu og vera virk og skapandi í fæðingunni.

Fæðing hverrar konu er einstök reynsla, ekki sjúkdómur, heldur eðlilegur hluti af náttúrunni og hverri konu eðlislæg. Þeim mun öruggari sem konan er þeim mun betur getur hún tekist á við fæðinguna og jafnvel notið hennar. Jóga styrkir og opnar líkamann, eykur mýkt og sveigjanleika, dregur úr verkjum, bætir líkamsstöðu, auðveldar djúpslökun og færir vellíðan.

Betri öndun eykur súrefnis-og blóðflæði og bætir þannig heilsuna og svefninn. Öndunin er leiðarljósið í jóga og með meðvitaðari öndun tengjum við huga og líkama, vitundina við æðri vitund og opnum glufu fyrir sálina.

Jóga minnir okkur stöðugt á að anda inn í hvert augnablik og umfaðma hvert andartak. Í jóga fyrir barnshafandi leitumst við við að skapa samfélag, spjöllum annað slagið, tökum bumbumyndir og fáum fæðingarsögur.

FÆÐINGASÖGUR (skoða hér)

Í LÓTUS erum við með þrjá hópa í meðgöngujóga.
Hver hópur mætir tvisvar í viku og svo er laugardagstíminn opinn tími fyrir alla hópana.

(hópur 1) mánudagar og miðvikudagar: kl. 12.10-13.25
(hópur 2) þriðjudagar og fimmtudagar: kl. 16.15-17.30
(hópur 3) þriðjudagar og fimmtudagar: kl.19.15-20.30

Laugardagar: kl.12:30 - 13:40 (opinn tími)

Allir tímar eru 75 mín. Flestar konur byrja í meðgöngujóga eftir 14 –16 viku meðgöngunnar og eru fram að fæðingu.
En það er aldrei of seint að byrja!

SKRÁNING:
Vinsamlegast veldu þér tíma sem passar best (Hópur 1, 2
eða 3). Þú getur byrjað um leið og pláss losnar. Biðlistar í meðgöngujóga geta farið upp í allt að 6-8 vikur. Þú verður svo látin vita um leið og þú kemst að.

Gott er að fá fullt nafn, síma, nr. á hóp og hvenær þú vilt helst byrja.

Skrá mig á námskeið: audur@vortex.is

VERÐ Í MEÐGÖNGUJÓGA:
1 stakur mánuður 10.500
2 mánuðir saman 18.000
3 mánuðir saman 24.000 ( hægt að dreifa á léttgreiðslur).

REIKN: 0137-26-36505 KT: 650106-2880

KLÆÐNAÐUR:
Best er að vera berfættur og í fötum sem ekki þrengja að.
Dýnur, púðar og teppi á staðnum.

NB! Vinsamlegast mæta tímanlega, síðdegis og á laugardögum er húsinu lokað þegar tímarnir byrja.



PARAKVÖLD

Á ca. sex vikna fresti er boðið upp á PARAKVÖLD þar sem makinn mætir með og farið er í jógaöndun og undirbúning fyrir fæðinguna, nudd ofl. skemmtilegt.
Aðeins fyrir barnshafandi konur í Lótus og maka þeirra.
VERÐ: 4000 fyrir parið.

Skrá mig á námskeið: audur@vortex.is



MÖMMUJÓGA

Eftir 6-8 vikur geta konur komið með börnin með sér og haldið áfram í jóga. Áhersla er lögð á jóga fyrir móðurina; styrking, teygjur og slökun, en börnin fá sannarlega sína athygli líka. Tvisvar í viku með börnin, einu sinni barnlaust.


Mánudagar og miðvikudagar: kl.10:15 - 11:30
Laugadagar: kl.11:00 - 12:15 (barnlaust)

Þriðjudagar og fimmtudagar: kl. 14:00 - 15:15
Laugadagar: kl.11:00 - 12:15 (barnlaust)


VERÐ: 16.500 kr. - 7 vikur

Skrá mig á námskeið: audur@vortex.is



KUNDALINI JÓGA VETUR 2010

MARKVISST - ÖFLUGT – UMBREYTANDI
6.sept.-18.des

Mánudagar og miðvikudagar: kl.07:00 - 08:15
Þriðjudagar og fimmtudagar: kl.17:45 - 19:00
Föstudagar: 12.00-13.15
Laugardagar: 11.00-12.15- Kripalu jóga (hatha)

VERÐ: Önnin 28.000 (má skipta á léttgreiðslur)
Einn mánuður 9.500

Skrá mig á námskeið: audur@vortex.is

Það verður fljótt að fyllast. Láttu vita hvort þú viljir vera með.Enn og aftur hvet ég fleiri til að nýta sér morguntímana, gott að stilla hljóðfærið, sál og líkama, fyrir daginn.

"Það er fæðingarréttur hverrar manneskju að vera hraust, helg og hamingjusöm". Y. Bhajan

Kundalini jóga eftir forskrift Yogi Bhajan, er kröftugt jóga sem vinnur að því að byggja upp styrk og orku, örva innkirtlakerfið og koma jafnvægi á allar orkustöðvarnar. Við finnum að streitan minnkar en viljastyrkur og lífsgleði eflast.

Kundalini jóga er mjög markvisst jógakerfi með eflandi jóga- og öndunaræfingum, hugleiðslu, möntrum og slökun. Unnið er að því að því að lyfta orkunni upp, bæta jafnvægi milli heilahvela og víkka út vitund okkar. Kundalini jóga hentar bæði byrjendum og jógaiðkendum sem hafa reynslu af öðrum tegundum jóga. Umbreytandi!

Ath. sömuleiðis greinar um Kundalini undir fróðleikur

SADHANA

Nú verður Sadhana/morgunástundun á hverjum FÖSTUDAGSMORGNI í Lótus kl. 5.30-8.00 (japji, jóga, slökun og möntrur)
Frítt- ALLIR VELKOMNIR!

"Your body is the temple of God, and your soul is the Divine Guru (kennari eða viska) within. So, you get up in the morning, meditate, chant the mantras, do the exercise, call on your spirit, regulate the breath, and you get together in group consciousness. In that way you help each other. Group consciousness in the morning Sadhana is to help each other" Yogi Bhajan

HJARTANS KVEÐJUR

Auður Bjarnadóttir
Lótus Jógasetur
Borgartúni 20, 4. hæð
GSM: 846 1970
audur@vortex.is

Aftur á kennarar