KUNDALINI JÓGA

Kundalini jóga eins og nemendur Yogi Bhajans ástunda það samanstendur af æfingum eða stöðum (asana), með ákveðinni öndun (pranayama) handa- og fingrastöðum (mudra), líkamslokum (bandha), tónun (mantra) og íhugun (meditation), saman eða í ákveðinni röð til að skapa nákvæmlega ákveðin áhrif. Þessi vísindi hafa verið kennd í klaustrum á Indlandi og í Tíbet í þúsundir ára og ef við iðkum þau nákvæmlega eins og meistarinn kennir þau, getum við náð áhrifum sem eru ekki bara mjög eflandi og öflug heldur líka fullkomlega fyrirsjáanleg.

„Kriya“ er æfing eða sería af æfingum sem hafa í heild sinni meiri áhrif en samanlagðir hlutar hennar. Settin eða æfingaseríurnar sem Yogi Bajan kenndi eru „kriyur“ frekar en bara röð af æfingum. Margar af þessum „kriyum“ eru virðulegar og ævafornar og hafa verið kenndar munnlega frá kennara til nemanda og eru þess vegna helgar og leyndar. Yogi Bhajan gerði þessar æfingar aðgengilegar almenningi með þeim orðum að viska tilheyri öllum.

Kundalini jóga hentar mjög vel venjulegu fólki sem lifir venjulegu lífi. Með því að ástunda kundalini jóga getum við styrkt taugakerfið, innkirtlakerfið og ónæmiskerfið og komið jafnvægi á líkama, huga og anda. Við getum orðið sveigjanleg og styrkt vöðvana. Jóga eykur andlega orku og gefur okkur innri frið og innri styrk til að mæta því sem lífið ber í skauti sér. Jóga þýðir sameining. Við getum nýtt okkur það til að finna fyrir óendanleika okkar og sigra daginn.

Mánudagar og miðvikudagar kl. 07:00 - 08:15
Þriðjudagar og fimmtudagar kl. 17:45 - 19:00
Laugardagur kl.10:00 - 11:15 (kripalu jóga)


Kennari: Auður Bjarnadóttir
Sími: 846 1970

LÓTUS JÓGASETUR
Borgartún 20

ALLIR VELKOMNIR!

til baka í fróðleik